ފޮނިފޮނި، ހިތިހިތި އިންތިޒާރު
އާޅެން
މުޙަންމަދު ޝާހިދު ޙަލީމް
![](images/stories/99_photo/loluge%20lava.jpg)
އިންތިޒާރަކީ،
ފޮނިފޮނި އެއީ ލައްޒަތެއް ލިބޭ ފިނިފިނި
ފިނިފިނި އެހައި ރާޙަތެއް ނުވާ ގިނިގިނި
ގިނިގިނި ނިވޭ ޙާލަތެއް ވެގެން ކަނިކަނި
ކަނިކަނި ނުވާ މާމުޔެއް އެއީ ފޮނިފޮނި
އިންތިޒާރަކީ،
ހިތިހިތި އެއީ ހިނދުތަކެއް ހިނގާ ދަތިދަތި
ދަތިދަތި އެހައި ރޭގަނޑެއް ދުވާ ނެތިނެތި
ނެތިނެތި ނަޖާ މާކަނޑެއް ފުނަށް ފެތިފެތި
ފެތިފެތި ކަނޑަށް ކޯވަރެއް ބޮވޭ ހިތިހިތި
(ނިމުނީ)