ސައިންސް ކިޔެވުމުން...
ޝަމްސުލް ފަލާޙް / ދ،ކުޑަހުވަދޫ ، ނޫރާނީގެ
1. ކެމިކަލްތަކުން ކުރެވޭއެތައް ކަންތައްތަކޭ ހަމަ ދަސްވަނީ
ކެމިކަލްއެއީ ފައިދާލިބޭ އެއްޗެއްކަމޭ އެނގިގެން ދަނީ.
2. ކަނޑުގައިއެވާ މެހިމަސްމަހާ މުރަކައިގެ ކަންތައް އެނގިދަނީ
ކަނޑުގައިއެވާ މަސްވެރިކަމާ ހުރިހާކަމެއް ހަމަ ދަސްވަނީ.
3. ހަށިގަނޑުގެވާ ގުނަވަންތަކާ އެކި ބަލިތަކޭ ހަމަ ދަސްވަނީ
ހަށިގަނޑުގެވާ ފުރިހަމަކަމާ ނާޒުކު ކަމޭ އެނގިގެންދަނީ.
4. މައުދަންތަކާ ބޭނުންއެތައް ގަސްތައްއެކީ ދަސްވެސްވަނީ
މައުދަންތަކުން ލިބިދޭއެތައް ފައިދާ ތަކޭ އެނގިގެންދަނީ.
5. ތަޙުލީލުތައް ކޮށްލާ އުޅުން އާ ކަންކަމޭ ދަސްކޮށްދެނީ
ތަޙުލީލަކުން ނޭނގޭއެތައް ކަންތައްތަކެއް ފެނިގެންދަނީ.
6. ދިރިއުޅުމަކަށް ބޭނުންކުރާ އެތަކެއް އުކުޅު ހަމަ ދަސްވަނީ
ދިރިއުޅުމުގާ ރަނގަޅަށް އުޅެން މަގުފަހިކުރަން ދަސްވެސްވަނީ.
7. އެކި ސޫފިތައް އުޅެދާ ގޮތާ އެވެރިންގެ ހުރި ބޭނުންތަކާ
އެކި ކަންކަމަށް މަގުއަލިކުރާ ފައިދާތަކޭ އެނގިގެންދަނީ.
8. ދުނިޔޭގެވާ ކަންތައް ތަކާ މުޅި ޢާލަމޭ ދަސްކޮށް ދެނީ
އުނިކަން ނުވާ މާތް ޙަޟްރަތެއް ވާނޭކަމޭ އެނގިގެންދަނީ.
ނޯޓް: މިޅެމަކީ، އަޅުގަނޑު ޅެންވެރިކަމުގެ ހުނަރުތައް ދަސްކޮށްދޭކޯހުގައި ޅެން ހަދަން ދަސްކުރިއިރު ހަދާފައިވާ ޅެމެކެވެ. އަޅުގަނޑުގެ ޅެންވެރިކަމުގެ ޙަޔާތުގެ އެންމެ ޅަފަތުގެ ޅެމެކެވެ. މިޅެން އަޅުގަނޑު ހެދީ 8 ޖުލައި 2004 ގައެވެ.