އަސްމާ އަބޫބަކުރު، ހއ. ދިއްދޫ
އެދުވަހަށްފަހު ޖަހުޒާ ކެއުމާ ވަރަށް ދުރުވެއްޖެއެވެ. އަބަދުހެން ނާހިޒުގެ ކަންކަމާ ވިސްނޭތީ ކާހިތްނުވަނީއެވެ. ލީޒާއާއި ހުޖޫދު ވާހަކަ ދެއްކިއަސް ޖަހުޒާއަށް އަށް އިވޭކަމަކަށް ނުވެއެވެ. ލީޒާ ވިސްނަމުން ދިޔައީ މަންމައަށް މި ފަހަކަށް އައިސް ވެގެން އުޅޭގޮތަކާ މެދުއެވެ. އެންމެ ފަހުން ހުޖޫދާ ވާހަކަ ދައްކައިގެން ޑޮކްޓަރަށް ދައްކާން ގެންދިޔައެވެ.
"ނާހިޒު. ގޭގައި އުޅޭ ވަގުތު މަންމަ ރަނގަޅަށް ބަލާތި! މަންމަ ލޭމައްޗަށް ދާވާހަކަ ޑޮކްޓަރ ބުނުއްވި." ލީޒާގެ ވާހަކައަށް ނާހިޒު ސިއްސައިގެން ދިޔައެވެ. ނާހިޒު އަވަސްއަވަހަށް މަންމަގެ ކޮޓަރިއަށް ދިޔައެވެ.
"މަންމާ!" ނާހިޒުގެ އަޑުއިވުމާއެކު ޖަހުޒާ ގާތަށް ރުޅިއަތުވެއްޖެއެވެ.