ކުޑަ ކުދިންގެ ވާހަކަ
އަލްއުސްތާޛުލް މަރުޙޫމު މުޙައްމަދު ޖަމީލު ދީދީ
ސްކޫލެއްގެ އެންމެ ދަށަށްވުރެން މަތީ ކިލާހެއްގެ ކުދިބައެކެވެ. ލިބުނު ޗުއްޓީއެއްގެ ތެރޭގައި، ދޯނި ދުއްވައިލާން ދަތުރަކުދާ ފިކުރު ކޮށްފި އެވެ. ވަރަށް ގިނައިރު ސައްލާ ކުރުމަށްފަހު، އަތިރިމައްޗަށް ނިކުމެއްޖެ އެވެ.
ތަންކޮޅަކަށް ދިޔަތަނާ ވަރަށް ރީތިކޮށް ދަވާދުލައި ވަރަށް ޗާލުކޮށް ތައްޔާރު ކޮށްފައިވާ ކުޑަވަރެއްގެ ދޯންޏަކާއި ދިމާވެއްޖެ އެވެ. ދޯނީގައި ވަނީ އެންމެ މީހެކެވެ. ދޯނީގެ ވެރިޔަކީ އޭނާ އެވެ. ކެޔޮޅަކީ ވެސް އޭނާ އެވެ. ފަޅުވެރިއަކީ ވެސް ހަމަ އެ އެވެ.